İspaniya ABŞ-ın İrana qarşı avantürasına qatılmaqdan imtina etdi...

15 May 2019 17:03

Bəyəndim (0) Bəyənmədim (0)

İspaniya hökuməti öz freqatını Vaşinqtonun anti-İran missiyası üçün hərəkətə keçirdiyi ABŞ Hərbi Dəniz Donanmasının "Avraam Linkoln" avia-daşıyıcısının başçılıq etdiyi döyüş qrupundan müvəqqəti olaraq çıxarıb.

Bu haqda yerli "Pais" qəzeti yazıb.

200-dən çox ekipaj üzvü olan "F-104"- "Mendes Nyunes" freqatı ABŞ-ın təyyarə daşıyan gəmi qrupunda yeganə xarici gəmi olub. Freqatın ABŞ avia-daşıyıcı qrupundan müvəqqəti çıxarılması barədə qərarı İspaniya Müdafiə naziri Marqarita Robles qəbul edib. Qəzetin verdiyi məlumata görə, İspan gəmisi Fars körfəzi sularına girməyəcək və yalnız ABŞ-ın əvvəl nəzərdə tutulmuş proqrama dönəcəyi təqdirdə qrupa qayıda bilər.

Xatırladaq ki, ABŞ Müdafiə naziri vəzifəsini icra edən Patrik Şanahan İranın nüvə silahı hazırlanmasını sürətləndirdiyi və ya ABŞ ordusuna hücum etdiyi təqdirdə Yaxın Şərqə 120 min əsgər göndərmək üçün hərbi planı təqdim edib(.moderator)