Rusiya Şimali Qafqazda raketdən müdafiə sistemini gücləndirdi

Rusiya Şimali Qafqazda raketdən müdafiə sistemini gücləndirdi

1 Dekabr 2017 09:04
121
Bəyəndim (0) Bəyənmədim (0)

Yeni "Buk-M3" və "S-300B4" zenit raket sistemləri Rusiyanın Şimali Qafqazdakı Cənub Hərbi Dairəsi hava hücumundan müdafiə sisteminin tərkibinə əlavə edilib. APA-nın "RİA Novosti"yə istinadən verdiyi xəbərə görə, bu barədə Cənub Hərbi Dairəsinin mətbuat xidmətinin rəisi Vadim Astafyev bildirib.

"Cənub Hərbi Dairəsində hava sərhədinin və strateji əhəmiyyətli obyektlərin qorunması üçün ən yeni "Buk-M3" və "S-300B4" zenit raket sistemləri döyüş növbəsinə başlayıb", - deyə Vadim Astafyev bildirib.

Onun sözlərinə görə, yeni komplekslərin yerləşdirilməsi üçün mövqelərin maskalanması təmin edilib.