Fransa prezidenti və Böyük Britaniyanın baş naziri Liviyaya səfər edib

Fransa prezidenti və Böyük Britaniyanın baş naziri Liviyaya səfər edib

15 Sentyabr 2011 17:03
945
Bəyəndim (0) Bəyənmədim (0)

Fransa prezidenti Nikola Sarkozi və Böyük Britaniyanın baş naziri Devid Kemeronun təyyarəsi bu gün Tripoliyə aeroportuna enib.

Təhlükəsizlik amilləri nəzərə alınaraq Sarkozi və Kemeronun Liviyaya səfəri son ana kimi gizli saxlanıb. Avropa liderləri Liviya Milli Keçid Şurasının rəhbərliyi ilə danışıqlar aparacaqlar. Fransanın maliyyə naziri Fransua Baruana səfərin simvolik xarakter daşıdığını, hərbi və iqtisadi məsələlərin müzakirə olunmayacağını deyib. Liviya Milli Keçid Şurası İcra Komitəsinin rəhbəri Mahmud Cibriil Fransa və Böyük Britaniyanın Liviyanın mülki əhalisini müdafiə etmək missiyasını davam etdirməyə razılıq verdiklərini deyib: "Biz alyansdan missiyanı davam etdirməyi xahiş etdik, artıq bu iki dövlət xahişimizi müsbət cavablandırıb. Döyüşmək üçün hələ cəbhə var".

Sabah Türkiyənin baş naziri Rəcəb Tayyip Ərdoğanın da Tunisə səfərini başa vuraraq Liviyaya keçəcəyi gözlənilir.

Ümid edirik ki, heç kəs bu münaqişələrdən öz mənfəətini güdmür.

Tofiq Əliyev

O.M.