AŞPA üzvü Qarabağın işğaldan azad olunmasını tələb etdi

AŞPA üzvü Qarabağın işğaldan azad olunmasını tələb etdi

7 Aprel 2016 12:27
302

Macarıstanın qanunverici orqanında təmsil edilmiş ikinci ən böyük fraksiya olan "Daha yaxşı Macarıstan uğrunda" partiyası aprelin 6-da bəyanat yayaraq Qarabağda Azərbaycan ordusu ilə işğalçı erməni silahlı qüvvələrinin təmas xəttində vəziyyətin kəskinləşməsinə görə narahatlığını bildirib.

Macarıstan Parlamentinin xarici siyasət komitəsi sədrinin mavini, AŞPA üzvü Marton Döndöşi tərəfindən hazırlanmış sənəddə deyilir:

"Ermənistan ilə Azərbaycan arasında münaqişə Ermənistanın beynəlxalq hüquq normalarını pozmaqla Dağlıq Qarabağı və onun ətrafındakı 7 rayonu işğal etməsindən sonra başlanıb. Yüz minlərlə azərbaycanlı qaçqın düşərgələrində sığınacaq tapıb".

Bəyanatda xatırladılır ki, 2011-ci ildə bu partiya Xocalı qırğınının erməni silahlı qüvvələri tərəfindən törədilmiş soyqırım aktı kimi tanınması və Ermənistanın Azərbaycana qarşı təcavüzünün pislənməsi barədə qətnamə qəbul olunması təşəbbüsü ilə çıxış edib.

"Erməni silahlı qüvvələri işğal etdikləri ərazilərdən çıxarılmadan və Azərbaycanın ərazi bütövlüyü bərpa olunmadan sülh yaradıla bilməz". (azərtac)

Mediainfo.az