Ukrayna ordusu daha bir şəhəri azad edib

Ukrayna ordusu daha bir şəhəri azad edib

4 Avqust 2014 16:07
364
Bəyəndim (0) Bəyənmədim (0)

Ölkənin şərqindəki Donbass bölgəsində antiterror əməliyyatı keçirən Ukrayna ordusu Donetsk vilayətinin Yasinovataya şəhərini separatçılardan azad edib. Apa-nın Ukrayna saytlarına istinadən verdiyi məlumata görə, Ukrayna Milli Təhlükəsizlik və Müdafiə Şurasından bildirilib ki, şəhərin azad edilməsi Donetsk şəhərini şimaldan əhatə etməyə və terrorçuların əsas silah və hərbi texnika təchizatı yollarından birini kəsməyə imkan yaradıb: "Hazırda şəhərdə terrorçu dəstələrin qalıqlarının aşkarlanması və zərərsizləşdirilməsi üçün əməliyyat aparılır".

Son bir sutka ərzində gedən döyüşlərdə 5 Ukrayna əsgəri həlak olub, 14-ü yaralanıb.

Qeyd edək ki, Yasinovataya şəhəri Donetsk şəhərinin 12 kilometrliyində yerləşən vacib dəmir yolu qovşağıdır. Hazırda Ukrayna ordusu və Milli Qvardiyası Donetsk şəhərini tam mühasirəyə alıb, şəhəri azad etmək üçün əməliyyatları davam etdirir.

Mediainfo.az