Abel Məhərrəmovun fikrincə...
Bakı Dövlət Universitetində (BDU) Azərbaycan Demokratik Cümhuriyyətinin
yaradıcılarının xatirəsinə abidə kompleksi ucaldıla bilər. Bunu BDU-nun
rektoru, millət vəkili Abel Məhərrəmov deyib. "Məmməd Əmin Rəsulzadənin
abidəsinin ucaldılması barədə qərar dövlət səviyyəsində həll
olunmalıdır. Əgər müvafiq qərar olarsa, biz də bunu dəstəkləyəcəyik. Mən
hesab edirəm ki, Xalq Cümhuriyyətinin qurucularına kompleks abidə
yaradılmalıdır", - deyə rektor qeyd edib.
Rektor hesab edir ki, BDU-ya ümumilli lider Heydər Əliyevin adının
verilməsi də mümkündür: "Universitetə ya dünya şöhrətli siyasətçinin, ya
elm korifeyinin adı verilə bilər. Heydər Əliyev BDU-nun tələbəsi, özü
də dünya şöhrətli tələbəsi olub. Rəsulzadə isə bu universitetdə dərs
keçib. Biz bu məsələni siyasi müstəvidə qaldıra bilərik".
Könül Aypara
.jpg)
