Rusiya prezidentinin Azərbaycana səfəri zamanı enerji, nəqliyyat və digər sahələrə aid sənədlər imzalanacaq

Rusiya prezidentinin Azərbaycana səfəri zamanı enerji, nəqliyyat və digər sahələrə aid sənədlər imzalanacaq

12 Avqust 2013 11:40
533
Bəyəndim (0) Bəyənmədim (0)
Bakıya gələcək Rusiya nümayəndə heyətinin tərkibi açıqlanıb

usiya prezidenti Vladimir Putin avqustun 13-də Azərbaycana işgüzar səfər edəcək.Apa-nın "RİA Novosti"yə istinadən verdiyi məlumata görə, iki ölkə prezidentlərinin görüşünün yekunları əsasında enerji və nəqliyyat sahələri də daxil olmaqla, 5-6 rəsmi sənədin imzalanması gözlənilir.

Rusiya nümayəndə heyətinə xarici işlər naziri Sergey Lavrov, müdafiə naziri Sergey Şoyqu, enerji naziri Aleksandr Novak, fövqəladə hallar naziri Vladimir Puçkov, nəqliyyat naziri Aleksey Ulyukayev, "Rosoboroneksport"un baş direktoru Anatoli İsaykin, Rusiyanın Xəzər dənizi üzrə çoxtərəfli danışıqlardakı nümayəndə heyətinin rəhbəri İqor Bratçikov, "Rosneft" və "Lukoyl"un rəhbərləri İqor Seçin və Vahid Ələkbərov daxil olacaq.

Rusiya prezidentinin köməkçisi Yuri Uşakovun sözlərinə görə, nümayəndə heyətini tərkibi ikitərəfli məsələlərə aid kompleks məsələlərin müzakirə olunacağını göstərir. O qeyd edib ki, avqustun 13-də Rusiyanın Xəzər donanmasının gəmiləri - "Dağıstan" və kiçik artilleriya gəmisi "Volqodonsk" da Bakıya dostluq səfəri edəcəklər.

O.M.