Putin prezident olmaq istəyən Koçaryanı qəbul etmədi

Putin prezident olmaq istəyən Koçaryanı qəbul etmədi

1 Noyabr 2011 13:03
1 428
Bəyəndim (0) Bəyənmədim (0)
Ermənistanda isə Koçaryanın kadrlarını sürətlə işdən çıxarırlar

Ermənistanın "Joxovurd" qəzetinin məlumatına görə, Serj Sarkisyanı vəzifəyə gətirmiş sabiq prezident Robert Koçaryan Ermənistana qayıdır. Daha çox Qarabağ klanının rəhbəri kimi tanınan, mövcud iqtidarın banisi olan Koçaryan həm də Vladimir Putinin yaxın dostu kimi tanınırdı. Rəsmi məlumatlarda onun "Sistema" şirkətinin işi ilə əlaqədar Moskvada olduğu bildirilsə də, pərdəarxası söhbətlərdə sabiq prezidentin çıxılmaz vəziyyətdə olduğu bildirilir. Belə ki, bir vaxtlar onu Ermənistanın prezidenti etmiş V.Putin indi yaxınına belə buraxmaq istəmir. Hətta baş nazirin yaxın çevrəsi də Koçaryanı qəbul etməkdən imtina edib. Yalnız baş nazirin prezident seçkisi üzrə komandasının bəzi üzvləri Koçaryanla ayaqüstü görüşüblər. Ermənistanın "Çorrord İnknişxanutyun" qəzetinin bildirdiyinə görə, Serj Sarkisyanın prezidentliyindən narazı qalan Koçaryan yenidən siyasi arenaya fəal şəkildə qayıtmaq fikrindədir. Onun məqsədi növbəti seçkilərdə yenidən Ermənistanın rəhbəri olmaqdır. Lakin bir zamanlar vəzifəyə gətirdiyi Serj Sarkisyan öz postunu ona vermək istəmir. Məhz bu məqsədlə iqtidar komandasında yer dəyişikliyi adı altında üzün illərdir Koçaryanın adamlarını vəzifədən uzaqlaşdırmaq və ya öz tərəfinə çəkmək taktikasını seçib. Sosial şəbəkələrdə ermənilər iqtidarın son addımını "restart" adlandırırlar.

Erməni insanlığın, eyni zamanda ermənilərin düşmənidir...

Natiq Qocaman

O.M.