.jpg)
Bərdədə şəhid anıldı
Dekabrın 15-də Mustafaağalı kənd tam orta məktəbində məktəbin adını daşıdığı şəhid Qarayev Göyüş Adil oğlunun doğum günü qeyd edilib.
"Qafqazinfo"nun verdiyi xəbərə görə, tədbir Bərdə rayon Gənclər və İdman idarəsinin, Təhsil şöbəsinin və Qarabağ Müharibəsi Əlilləri, Veteranları və Şəhid Ailələri ictimai birliyinin Bərdə rayon şöbəsinin birgə təşkilatçılığı ilə baş tutub.
Gənclər və İdman idarəsinin rəisi Anar Şahbazov, baş məsləhətçi Aydın Qasımov, Qarabağ Müharibəsi Əlilləri, Veteranları və Şəhid Ailələri ictimai birliyinin sədri Etibar Hüseynova, Təhsil şöbəsinin metodisti Vüsal Quliyev, məktəbin direktoru Tofiq Məmmədov və müəllim Şövkət İsmayılova şəhidin keçdiyi qısa lakin şərəfli həyat yolundan danışıblar. Tədbirdən sonra şəhidin ailəsinə baş çəkilib və sovqat aparılıb.
Tədbirin məqsədi şəhidin adının anılması və gənclərdə vətənpərvərlik hisslərinin gücləndirilməsi olub.
Mediainfo.az
.jpg)
