Dağlıq Qarabağın kimə məxsus olduğu BMT qətnamələri ilə çoxdan müəyyən edilib - Peskov

Dağlıq Qarabağın kimə məxsus olduğu BMT qətnamələri ilə çoxdan müəyyən edilib - Peskov

4 Dekabr 2020 16:50
273
Bəyəndim (0) Bəyənmədim (0)

Dağlıq Qarabağın kimə aid olduğu BMT Təhlükəsizlik Şurasının müvafiq qətnamələri ilə müəyyən edilib, Rusiyanın bu məsələ ilə bağlı mövqeyi dəyişməyib.

Oxuməni.az-ın məlumatına görə, bu barədə Rusiya Prezidentinin mətbuat katibi Dmitri Peskov deyib.

"Bu ərazinin kimə məxsus olması BMT Təhlükəsizlik Şurasının kifayət qədər çoxdankı qərarları ilə müəyyən edilib" - Peskov deyib.

Qarabağdakı sülhməramlılar məsələsinə toxunan D.Peskov bildirib ki, kontingent öz fəaliyyətini münaqişənin tərəfləri ilə razılaşdırır:

“Orada rəhbər yoxdur, iki münaqişə tərəfi var – Ermənistan və Azərbaycan. Onlar Rusiya tərəfi ilə birgə bəyanatı imzalayıb və bu bəyanatın icrası naminə rusiyalı hərbçilər, eləcə də Rusiya humanitar missiyası öz fəaliyyətini həm azərbaycanlılarla, həm də ermənilərlə əlaqələndirir”.

Oxuməni.az