Dövlət sərhədini qanunsuz keçmək cəhdlərinin qarşısı alınıb

Dövlət sərhədini qanunsuz keçmək cəhdlərinin qarşısı alınıb

12 Yanvar 12:26
764
Bəyəndim (2) Bəyənmədim (0)

Azərbaycan Respublikasının Dövlət Sərhəd Xidməti (DSX) tərəfindən sərhəd təhlükəsizliyinin təmin edilməsi sahəsində əməliyyat-axtarış və sərhəd mühafizə tədbirləri davam etdirilir.

DSX-nin mətbuat mərkəzindən Oxumeni.az-a bildiriblər ki, Dövlət Sərhəd Xidmətinin Sərhəd Nəzarətinin əməkdaşlarının sayıqlığı və peşəkarlığı nəticəsində son günlərdə 13 halda dövlət sərhədini qanunsuz keçmək cəhdlərinin qarşısı alınıb, 2 şəxsin üzərində narkotik vasitələr aşkarlanıb, 11 şəxsin sənədlərinin saxtalaşdırılması halları müəyyən edilib.

Dekabrın 30-da Heydər Əliyev Beynəlxalq Aeroportunda İstanbul-Bakı reysi ilə gələn İran vətəndaşı 1978-ci il təvəllüdlü Ghasemianlialkoli Maghsoud Normohammadin sənədlərinin qismən saxta, Bakı-İstanbul reysi ilə gedən Pakistan vətəndaşı 1998-ci il təvəllüdlü Fazl Ullahın təqdim etdiyi pasportda Kuba vizasının tam saxta olması müəyyən edilib.

Yanvarın 3-də Heydər Əliyev Beynəlxalq Aeroportunda İstanbul-Bakı reysi ilə gələn İran vətəndaşı 1991-ci il təvəllüdlü Masoumlou Masoudun sənədinin tam saxta olması, “Samur” dövlət sərhədindən buraxılış məntəqəsində Rusiyadan ölkəmizə gələn Özbəkistan vətəndaşları 1996-cı il təvəllüdlü Baxramcanov Donuyerbek və 1969-cu il təvəllüdlü Cəlalov Axlidin pasportlarının qısmən saxtalaşdırılması aşkar olunub.

Yanvarın 4-də Heydər Əliyev Beynəlxalq Aeroportunda İstanbul Bakı reysi ilə gələn İran vətəndaşı 1991-ci il təvəllüdlü Razi Zergani Moayadın Küveytə məxsus pasportunun qismən saxta olması, Moskva-Bakı reysi ilə gələn Ukrayna vətəndaşı 1987-ci il təvəllüdlü Salimov Orkhanın sənədinin saxtalaşdırılması müəyyən olunub.

Yanvarın 8-də Heydər Əliyev Beynəlxalq Aeroportunda Tehran-Bakı reysi ilə gələn İran vətəndaşı 1994-cü il təvəllüdlü Farghi Alamdari Shayanın pasportunda Almaniyaya məxsus Şengen vizasının, Bakı-Kiyev reysi ilə gedən Pakistan vətəndaşı 1997-ci il təvəllüdlü Raza Hassanın pasportunda Almaniyaya məxsus daimi yaşayış vizasının və İran vətəndaşı 1998-ci il təvəllüdlü Jahangiri Farhadın Yunanıstan pasportunun qismən saxta olması, İstanbul-Bakı reysi ilə gələn İran vətəndaşı 1988-ci il təvəllüdlü Varmazyar Soheilanın Böyük Britaniya pasportu və İD kartının özgəsinə məxsus olması müəyyən edilib.

Yanvarın 3-də Astara Sərhəd Nəzarət Məntəqəsində İran İslam Respublikasından ölkəmizə gələn İran vətəndaşı 1975-ci il təvəllüdlü Feiziarbabi Leilanın daxili orqanlarında 53 qram metamfetamin və 91 qram heroin, Azərbaycan vətəndaşı 1969-cu il təvəllüdlü Astara sakini İbadova Zülfiyyə Tərlan qızının üzərindən 177 qram heroin aşkarlanıb.

Saxlanılmış şəxslər barəsində müvafiq tədbirlər həyata keçirilib.

© Materiallardan istifadə edərkən hiperlinklə istinad olunmalıdır

Oxumeni.az