Konqoda qızılca epidemiyası nəticəsində ölənlərin sayı 6 min nəfəri ötüb
Konqo Demokratik Respublikasında qızılca xəstəliyindən ölənlərin sayı 6 min nəfəri keçib.
Oxumeni.az xarici KİV-lərə istinadla xəbər verir ki, bu barədə Dünya Səhiyyə Təşkilatı məlumat yayıb.
Qurumun məlumatına görə, 2019-cu ildə Konqoda beş yaşına qədər olan 18 milyon uşaq qızılcaya qarşı peyvənd olunub. Məhz bu yaşadək uşaqlar xəstəliyə daha çox yoluxur – qeydə alınan yoluxma hallarının 25 faizi onların payına düşür.
Dünya Səhiyyə Təşkilatı epidemiyanın qarşısını almaq üçün maliyyəni artırmağa çağırıb. Hazırda bu məqsədlər üçün 27 milyon dollar toplanıb. Lakin 6-14 yaş arası uşaqların peyvənd olunması üzrə altı aylıq planın yerinə yetirilməsinə daha 40 milyon dollar lazımdır.
© Materiallardan istifadə edərkən hiperlinklə istinad olunmalıdır
Oxumeni.az