Hərbçimizə hücum edən erməni zərərsizləşdirildi

Hərbçimizə hücum edən erməni zərərsizləşdirildi

3 Dekabr 2021 16:08
Bəyəndim (0) Bəyənmədim (0)

Xocavənd rayonu ərazisində Azərbaycan Ordusunun mövqelərindən birində döyüş növbətçiliyi aparan hərbi qulluqçumuz dekabrın 3-ü saat 13.00 radələrində erməni əsilli şəxs tərəfindən hücuma məruz qalıb.

Həmin şəxs silahı ələ keçirməyə cəhd göstərib.

Bu barədə Oxuməni.az-a Müdafiə Nazirliyindən məlumat verilib.

Hərbi qulluqçumuz havaya atəş açdıqdan sonra özünü müdafiə etmək məqsədilə ona hücum edən təxribatçını zərərsizləşdirib.

Hadisə barədə Rusiya sülhməramlı kontingentinin komandanlığına və Rusiya-Türkiyə Birgə Monitorinq Mərkəzinə məlumat verilib.

Faktla bağlı araşdırma aparılır.