Küçələrdən 35 milyon dollar tapılıb

10 Mart 2018 13:44

Bəyəndim (0) Bəyənmədim (0)

Yaponiyanın paytaxtı Tokioda ötən il 35 milyon dollar küçələrdən tapılaraq polisə təhvil verilib.

Qaynarinfo xarici mediaya istinadən xəbər verir ki, Tokio polis şöbəsi ötən il 3,75 milyard Yapon Yeninin (35,3 milyon dollar) polisə təhvil verildiyini açıqlayıb.

Bu miqdarın 25 milyon dolları sahiblərinə geri verilib, 4,77 milyon dollar pulu gətirənlərə mükafat kimi təqdim edilib. 4,5 milyon dollar isə Tokio Bələdiyyəsinin kassasına daxil edilib.

Qeyd edək ki, Tokioda pulu tapıb polisə gətirən mükafat kimi məbləğin 20%-ini alır. Əgər 3 ay ərzində pulun sahibi tapılmazsa, məbləği tapan şəxs bu miqdarın hamısına sahib çıxır. Əgər heç kim pula sahib çıxmasa, məbləğ dövlət xərcləri üçün istifadə edilir.