Bu uşağın 10 yaşı var, 192 kilodur - FOTO

Arya Permana dünyanın ən ağır çəkili uşağı sayılır. Aryanın 10 yaşı olsa da, çəkisi nə az, nə çox - düz 192 kiloqramdır.

"Oxu Məni" qəzeti "The Mirror"-a istinadən bildirir ki, İndoneziyanın Qərbi Yava əyalətindəki Sipurvasari kəndində yaşayan Arya fasiləsiz kökəlir. Həkimlərin dediklərinə görə o, izafi çəkilərindən qurtulmazsa ölə bilər.

Aryanın anası Rokayanın dediyinə görə, oğlu gündə 5 dəfə yemək yeyir: "Plov və ət yeməkləri ilə qidalanır. Ona paltar tapmağa çətinlik çəkirik. Normal yeriyə bilmədiyi üçün məktəbə də getmir, nəfəs almağa çətinlik çəkir. Həkimlərin xəbərdarlığından sonra məcbur qalıb oğlumun yeməyini azaltdım. Amma yenə də iki adamın yeməyini yeyir. Gün boyu ya yeyir, ya da yatır. Doğulanda normal uşaqdı, çəkisi 3,5 kiloqramdı. 2 yaşından sonra sürətlə kökəlməyə başladı".

45 yaşlı Ade Somantiri və 35 yaşlı Rokayanın ikinci övladları olan 10 yaşlı Arya patoloji piylənməyə mübtəladır.

Dediyinə görə, "tempe"ni çox sevir. "Tempe" indoneziyaların ənənəvi yeməyi olan soya kökəsidir.

Günel