Ötən il “Bibiheybət” Zavodunda 71 gəmi təmir olunub

Ötən il “Bibiheybət” Zavodunda 71 gəmi təmir olunub

15 Yanvar 14:45
52
Bəyəndim (0) Bəyənmədim (0)

Ötən il “Azərbaycan Xəzər Dəniz Gəmiçiliyi” QSC-nin (ASCO) “Bibiheybət” Gəmi Təmiri Zavodunda 71 müxtəlif təyinatlı gəmi təmir edilib.

Oxuməni.az-ın verdiyi xəbərə görə, gəmilərin 24-ü əsaslı, 30-u tərsanə, 17-si cari təmir olunub. Bu üzən vasitələrin 60-ı ASCO-nun Xəzər Dəniz Neft Donanmasına, 5-i Dəniz Nəqliyyatı Donanmasına, 6-sı isə kənar təşkilatlara aiddir. Təmir prosesi ASCO-nun yüksək ixtisaslı mütəxəssislərinin iştirakı ilə beynəlxalq konvensiyanın tələblərinə uyğun həyata keçirilib.

ASCO geniş həcmdə peşəkar gəmi təmiri və dəniz mühəndislik xidmətləri təqdim edir. Həm “Zığ” Gəmi Təmiri və Tikintisi Zavodu, həm də “Bibiheybət” Gəmi Təmiri Zavodunun əsas fəaliyyət istiqaməti ASCO-ya və başqa təşkilatlara məxsus gəmiləri və texniki avadanlıqları təmir etməkdən və onlar üçün sifarişlər əsasında müxtəlif növ ehtiyat hissələri hazırlamaqdan ibarətdir.

Oxuməni.az