Avropa Birliyi Azərbaycan QHT-lərinə 2,7 milyon manat vəsait ayırdı

Avropa Birliyi Azərbaycan QHT-lərinə 2,7 milyon manat vəsait ayırdı

8 Fevral 2012 12:24
753
Bəyəndim (0) Bəyənmədim (0)

Avropa Birliyinin (AB) Azərbaycandakı nümayəndəliyinin verdiyi məlumata görə, bu gün Bakıda Azərbaycanın 16 qeyri-hökumət təşkilatının rəhbərləri bir sıra sosial layihələrin həyata keçirilməsi ilə bağlı qrant müqaviləsi imzalayıblar. İnkişafdan qalan xəstə və görmə qabiliyyətini itirmiş uşaqlar üçün, eləcə də ətraf mühitin mühafizəsi, vətəndaş hüquqlarının və KİV-in inkişafına aid bu layihələrin maliyyələşdirilməsi üçün Avropa Birliyi ümumilikdə 2,7 milyon manat vəsait ayıracaq. AB Azərbaycandakı nümayəndəliyinin rəhbəri Roland Kobia tədbirdə bildirib ki, bu layihələr təkcə paytaxtda yox, bölgələrdə də reallaşdırılacaq. O, ötən illər ərzində AB-nin Azərbaycanda insan hüquqları ilə bağlı layihələrə təxminən 5 milyon manat ayırdığını xatırladıb: "Hesab edirəm ki, bu, vətəndaş cəmiyyətinin ölkə həyatındakı vacib roluna dair Avropa Birliyi tərəfindən verilmiş konkret siqnaldır. Bizim hökumətlə möhkəm əməkdaşlığımız var, lakin biz QHT sektoru ilə də birbaşa əlaqədə və bu əlaqələrin inkişafında maraqlıyıq. Azərbaycanda QHT-lərin inkişafı üçün potensial var və ölkədə onların rolunu, əhəmiyyətini yüksəltmək çox önəmlidir".

O.M.