Avropada 16 milyon 520 mindən çox işsiz var
Avro dövriyyəyə daxil olandan bu günə qədər
Avropada bu qədər işsiz olmamışdı. Avropa Şurası ölkələrinin sammitindən sonra
yayılan məlumatda bildirilir ki, avronun dövr elədiyi 17 ölkədə işsizlik dekabr
ayında 10,4 % artıb. Bu, 1998-ci ilin iyunundan 1999-cu il avronun dövriyyəyə
buraxılışına qədər ən böyük göstəricidir. İşsizliyin yaxın aylarda biz az da
artacağı istisna deyil. Bu gün Yunanıstan əhalisinin 20, İspaniya əhalisinin 23
faizi iş axtarışındadır.
Xatırladaq ki, iki illik borc böhranından və büdcənin ciddi şəkildə qənaətindən sonra işsiz avropalıların sayı 16,5 milyona çatıb. Dekabr ayında onların sırasına daha 20 min vətəndaş qoşulub. Göründüyü kimi, yaxın zamanda Avropanı ciddi tənəzzül gözləyir.
Maraqlıdır, tərəqqipərvər Avropada Qafqaz ölkələrinin ümumi əhalisindən də çox işsiz var...
Aqil Hüseynov
O.M.