Xaçmazda imkansız abonentlərin təbii qaz borclarını Qaz İstismar Sahəsi ödədi

Xaçmazda imkansız abonentlərin təbii qaz borclarını Qaz İstismar Sahəsi ödədi

14 Yanvar 2012 13:24
1 089
Bəyəndim (0) Bəyənmədim (0)

Xaçmaz rayonunda 2184 abonentin təbii qaz borcunun 70-80 faizi silinib. Bu barədə Qaz İstismar Sahəsinin (QİS) rəisi Azad Yaqubov məlumat verib. Həmin abonentlər borcu 50 manatdan yuxarı olan imkansız və şəhid ailələridir. Məbləğ QİS-nin əlavə vəsaiti hesabına ödənilib. Ödənilən məbləğ həmin abonentlərin borclarının 70-80 faizini təşkil edib. Borcların ödənilməsi haqqında abonentlərə bildirişlər paylanılıb. Borcu ödənilən şəxslərin seçilməsi Xaçmaz rayon İcra Hakimiyyəti ilə birgə həyata keçirilib. Xaçmaz QİS-dən o da bildirilib ki, idarənin hesabında olan əlavə vəsait prezident İlham Əliyev 2009-cu il dekabr 29-da verdiyi sərəncamla bağlıdır. Həmin vaxt ölkə başçısı təbii qazdan istifadə edən abonentlərin bütün borclarının silinməsi haqqında sənəd imzalayıb. Xaçmaz rayon QİS-nin hesabına 6.5 milyon manat vəsait köçürülüb. Bütün borclar ödənildikdən sonra idarənin hesabında 218 990 manat əlavə pul qalıb. Yerdə qalan vəsait də yenidən borcların silinməsinə sərf olunub.

O.M.