Oktyabrda əhali arasında 48 qida zəhərlənməsi hadisəsi baş verib
Səhiyyə Nazirliyinin mətbuat xidmətindən verilən məlumata görə, dünən respublikanın sanitariya-epidemioloji xidmət orqanları tərəfindən yeyinti məhsullarının istehsalı, satışı, saxlanılması və daşınması zamanı sanitariya norma və qaydalarının tələblərini pozan, gigiyenik normalara cavab verməyən məhsullar istehsal edən 45 müəssisənin sahibkarı inzibatı qaydada cərimə olunub.
19 obyektin istismarı isə dayandırılıb, 28 nəfər işdən müvəqqəti kənarlaşdırılıb.
Orqanoleptik və fiziki-kimyəvi göstəricilərinə görə 643, mikrobioloji
göstəricilərinə görə 565, toksikoloji göstəricilərinə görə 71, radioloji
göstəricilərinə görə isə 30 yeyinti məhsulları nümunələri laboratoriya
müayinələrinə cəlb olunub. Nümunələrin 15-də orqanoleptik və fiziki-kimyəvi,
13-də mikrobioloji, 4-də toksikoloji göstəricilərinə görə normadan kənara çıxma
müəyyən olunub. Şadlıq evlərindən 2093 yaxma, 31 soyuq qəlyanaltı nümunəsi
götürülüb, yaxma nümunələrinin 54-də mikrobioloji çirklənmə aşkarlanıb. Oktyabr
ayında əhali arasında 48 qida zəhərlənməsi hadisəsi baş verib, 51 nəfər zərər
çəkib. Bundan başqa, 2 botulizm hadisəsi baş verib, 4 nəfər zərərçəkən olub, 1
nəfər vəfat edib.
O.M.