Azərbaycanlı milyarderlər “Olimpiyskiy” idman komplekslərini aldı

Azərbaycanlı milyarderlər “Olimpiyskiy” idman komplekslərini aldı

26 Dekabr 2017 10:52
97
Bəyəndim (0) Bəyənmədim (0)

Azərbaycan əsilli rusiyalı iş adamları Qod Nissanov və Zarax İliyevə məxsus "Kiyev meydanı" şirkəti "Olimpiyskiy" idman komplekslərini alıb.

"Forbes" xəbər verir ki, qeyd edilən idman kompleksi adı Rusiyanın ən zəngin insanları siyahısında olan Musa Bajayevin "Alyans" şirkətinə məxsus olub.

2017-ci ilin dekabrında bağlanan sazişin dəyəri açıqlanmır. Məlumata əsasən, "Olimpiyskiy" kompleksinin yeni sahibləri layihəyə ən azı 300-400 mln. dollar investisiya yatırmağı planlaşdırırlar.

"Olimpiyskiy" idman kompleksi "Sülh prospekti" metrostansiyasının yaxınlığında, 1980-ci ildə Moskvada keçirilən Olimpiya oyunları ərəfəsində tikilib.

Moskva merinin müavini Aleksandr Qorbenko hazırda "Olimpiyskiy" idman kompleksinə daxil olan obyektlərin köhnəldiyini və müvafiq tələblərə cavab vermədiyini bildirib.

"İdman kompleksinin yenidən qurulmasına ehtiyac var idi. Moskva üçün olduqca vacib olan bu obyektə investisiya yatırmağa hazır olan investor lazım idi", - deyə Aleksandr Qorbenko "Forbes"ə bildirib. (oxu.az)