FETÖçu holdinq rəhbəri tutuldu, onun yerinə azərbaycanlı təyin edildi - TÜRKİYƏDƏ

FETÖçu holdinq rəhbəri tutuldu, onun yerinə azərbaycanlı təyin edildi - TÜRKİYƏDƏ

28 İyul 2016 10:15
277
Bəyəndim (0) Bəyənmədim (0)

"Petkim Petrokimya Holding A. Ş."-yə yeni rəhbər təyin olunub.

Holdinqin baş direktoru vəzifəsi Anar Məmmədova həvalə olunub.

Qeyd edək ki, A. Məmmədov eyni zamanda SOCAR-ın Yunanıstandakı törəməsinin ("SOCAR Greece") rəhbəridir.

Xatırladaq ki, "Petkim Petrokimya Holding A. Ş." neft-kimya kompleksinin baş direktoru Saadettin Korkut saxlanılıb.

Eyni zamanda, S. Korkutun evində və iş yerlərində axtarış aparılıb. Həbsdən öncə holdinq rəhbəri tutduğu vəzifədən istefa verib.

Bundan başqa, holdinqin, o cümlədən onunla əlaqəsi olan digər müəssisələrin də rəhbərliyində təmsil olunan bir neçə şəxsin işindən uzaqlaşdırıldığı iddia olunur.

Ümumilikdə, 200-dən çox şəxs işdən uzaqlaşdırılıb. Onların arasında "SOCAR Turkey Energy" şirkətinin ictimaiyyətlə əlaqələr üzrə bölmənin rəhbəri Ömər Adsız, STAR zavodunun insan resursları üzrə direktoru Fuat Ulagay və onun "SOCAR Turkey Energy"dən olan həmkarı İlqar Mehmetoğlu, "SOCAR Turkey Energy"nin elmi tədqiqat üzrə direktoru Çetin Korkut da istefa verib. Bildirilir ki, onların işdən uzaqlaşdırılmasına səbəb FETÖ ilə əlaqələrinin olmasıdır.

Mediainfo.az