Təbiətin şıltaqlığı dünyaya milyard dollarlara başa gəlir

Təbiətin şıltaqlığı dünyaya milyard dollarlara başa gəlir

7 İyul 2011 13:09
1 209
Bəyəndim (0) Bəyənmədim (0)
Vulkan, zəlzələ, sel, daşqın ...

Son dönəmlərdə televiziyada yayımlanan xəbərlərin əksəriyyəti təbii fəlakət və onun verdiyi mənəvi-maddi ziyan haqqındadır. Araşdırma apardıq! Ortaya isə bu "əsər" çıxdı. Təbii fəlakətlərin maddi ziyanı bütün 2009-cu il ərzində 63 milyard dollar təşkil edib. 2010-cu ildə fəlakətlər 222 milyard dollar iz buraxıb. Ancaq yalnız 2012-ci ilin birinci rübündə 320 milyard dollarlıq bir rəqəmlə üz-üzə qalırıq. Hansı ki, bu rəqəmin əksər hissəsi Yaponiyanın boynuna düşür. Böyük Britaniyanın qeyri-hökumət təşkilatı "Oxfam"ın hesabatına görə, təbii fəlakətlərin sayı 1980-ci ildən bu yana nə az, nə çox, düz 3 dəfə artıb. O ki qaldı insan ölümünə, təbiət 2009-cu ildə 15 min insanın ölümünə imza atıbsa, 2010-cu ildə 325 min nəfər onun qurbanına çevrilib. Bundan başqa, son 10 il ərzində vulkan və zəlzələlərin sayı artıb. Hətta 2011-ci ilin ilk yarısında 60-dan artıq vulkan oyanıb. Dünyanın qarşısına qoyulan vulkan proqnozu ciddi həyəcan yarada bilər. Çünki bu proqnoz 100 ilin rekordunu qıra bilər.

Təbii fəlakətin fəsadları təbii qarşılanmalıdır.

Günel Həbib

O.M.