300 milyon dollar icarə haqqı ödəmək istəməyən ruslar Qəbələni avqustda tərk edəcəklər

300 milyon dollar icarə haqqı ödəmək istəməyən ruslar Qəbələni avqustda tərk edəcəklər

9 Aprel 2013 14:13
654
Bəyəndim (0) Bəyənmədim (0)

Rusiya hərbçilərinin Qəbələ Radiolokasiya Stansiyasını (RLS) tam tərk etməsi avqust ayınadək başa çatacaq. Bu barədə Rusiya müdafiə nazirinin müavini Anatoli Antonov bildirib. Onun sözlərinə görə, Qəbələ RLS-in təhvil-təslimi ilə bağlı işlər Azərbaycan-Rusiya komissiyaları çərçivəsində davam edir: "Əmlakın inventarizasiyasını nəzərdə tutan birinci mərhələ artıq başa çatıb. İkinci mərhələdə bizim hərbçilərimizin və yüklərin Azərbaycan Daxili Qoşunlarının mühafizəsi altında Rusiyaya ötürülməsi həyata keçiriləcək. Bütün işlər bu ilin avqustuna qədər qurtarmış olmalıdır".
Qeyd edək ki, Azərbaycan tərəfinin icarə haqqını artırması ilə əlaqədar Rusiya 2012-ci ilin dekabr ayından Qəbələ RLS-də fəaliyyətini dayandırıb. Azərbaycan tərəfi Rusiyadan stansiyanın icarəsi üçün 300 milyon dollar icarə haqqı tələb edib.

O.M.