Rusiya və ABŞ arasında Qarabağ gərginliyi: “Nöqtə qoyuldu...”

Rusiya və ABŞ arasında Qarabağ gərginliyi: “Nöqtə qoyuldu...”

6 Aprel 14:21
366
Bəyəndim (0) Bəyənmədim (0)

“Rusiya və Amerikanın Dağlıq Qarabağ məsələsində birgə fəaliyyətinə də nöqtə qoyuldu”.

Oxuməni.az yerli mətbuata istinadən xəbər verir ki, bunu politoloq Elxan Şahinoğlu deyib.

Ekspert Vaşinqton və Moskva arasında Qarabağ məsələsi ilə əlaqədar fikir ayrılıqlarının yarandığını iddia edib:

“Rusiya və ABŞ diplomatları fəxrlə deyirdilər ki, iki ölkənin bir çox məsələlərdə dərin fikir ayrılıqları olsa da, Dağlıq Qarabağ münaqişəsinin həllinə ortaq baxışı var və Minsk Qrupunda az qala əl-ələ əməkdaşlıq edirlər. Müharibəyə qədər bu bəlkə də belə idi. Ancaq indi Rusiya ilə Amerikanın Minsk Qrupundakı birgə fəaliyyəti də alü-üst oldu və gerçəklər üzə çıxdı.

Birinci atəşi ABŞ-ın Minsk Qrupundakı keçmiş həmsədri Riçard Hoqland atdı. O, məqalə yazaraq həmsədrlərin münaqişənin həllindən çox 5 ulduzlu otellərdə qaldıqlarını və bahalı restoranlarda nahar etdiyini göstərdi. Amerikalı diplomat rusiyalı həmkarının iç üzünü də bu cümlə ilə ortaya qoydu: “Rusiyalı həmsədr Popov “Lavrov planı”nın reallaşacağına inanmırdı”.

Amerikalı diplomatın ard-arda gələn etirafları Kreml və rusiyalı diplomatların, o cümlədən Lavrov və Popovun xoşuna gəlməyəcəyi aydındır. Bundan sonra iki ölkə həmsədrlərinin birgə fəaliyyəti və bu fəaliyyət zamanı bir-birlərinə inanaraq qapalı görüşlərin detallarını müzakirə etməsi mümkün görünmür”.

Elxan Şahinoğlu qeyd edib ki, Riçard Hoqland etiraflarla zəngin məqalə qələmə almaqla Minsk Qrupunun gələcək fəaliyyətinə zərbə vurdu:

“Buna görə biz Hoqlanda minnətdar olmalıyıq. O bizim “daha həmsədrlərə ehtiyac yoxdur” arqumentimizi gücləndirdi. Digər tərəfdən Rusiya ilə Amerikanın Dağlıq Qarabağ məsələsində birgə fəaliyyətinə də nöqtə qoyuldu. Onlar gələcəkdə bölgəyə səfər etsələr də, aralarındakı “səmimiyyətə” heç kim inanmayacaq”.