Xocalı qatili  "xəstə" adı altında Qarabağdan çıxarılıb

Xocalı qatili "xəstə" adı altında Qarabağdan çıxarılıb

21 Oktyabr 17:17
155
Bəyəndim (0) Bəyənmədim (0)

Ermənistan Respublika Partiyasından keçmiş deputat Manvel Qriqoryan Xankəndidən təcili surətdə qaçıb.

Oxuməni.az xəbər verir ki, bu barədə onun vəkili Levon Baqdasaryan Sputnik-ə açıqlamasında deyib. Vəkil Qriqoryanın Xankəndidən qaçmasını səhhəti ilə əlaqələndirib.

Onun sözlərinə görə, guya ötən gün Qriqoryanın səhhəti “qəflətən” pisləşib və həkimlər ona İrəvana getməyi məsləhət görüblər. Hətta tamaşa üçün Qriqoryanın həkim nəzarətindəki fotosu da paylaşılıb.

Vəkil deyib ki, Qriqoryan reanimasiyaya yerləşdirilib, amma huşu özündədir.

Nədənsə onun halının niyə qəflətən pisləşdiyi, hansı xəstəlikdən əziyyət çəkdiyini demək kimsənin yadına düşməyib.

Beləliklə, bir müddətdir Ermənistan hakimiyyətinin təqibindən qaçaraq Xankəndiyə sığınan M.Qriqoryan burada vəziyyətin pis olduğunu görərək, təkrar İrəvana qaçıb. Qaçmasını isə “səhhəti” ilə əlaqələndirib.

Qeyd edək ki, Manvel Qriqoryan Ermənistan parlamentinin keçmiş üzvüdür. 2018-ci ilin iyun ayında ona qarşı cinayət işi açıldı. O, qanunsuz silah və sursat saxlamaqda, 100 milyon dram (200 min dollardan çox) dəyərində əmlakı mənimsəmək, vergidən yayınmaq və dövlət əmlakını mənimsəməkdə (hər iki halda da - 1 milyard dramdan çox) ittiham olunur.

Oxuməni.az