Ukrayna Rusiya ilə terrorizmə qarşı mübarizə haqqında memorandumu ləğv edib
Ukrayna hökuməti Rusiya ilə terrorçuluğa qarşı mübarizədə əməkdaşlıq haqqında memorandumun ləğv edilməsi barədə qərar qəbul edib.
Oxuməni.az Russian.rt.com-a istinadən xəbər verir ki, bu barədə "112 Ukrayna" telekanalı yazır.
Qeyd edildiyi kimi, Nazirlər Kabinetinin iyulun 8-də keçirilən iclasında qərar qəbul edilib.
"12 iyul 2012-ci il tarixində Yaltada imzalanmış terrorizmə qarşı mübarizədə əməkdaşlıq haqqında Ukrayna Nazirlər Kabineti və Rusiya Federasiyası hökuməti arasında memorandum ləğv edilsin", - qərarın mətnində deyilir.
Bundan əvvəl Ukrayna MDB-nin iştirakçısı olan dövlətlərin maliyyə kəşfiyyat bölmələrinin rəhbərləri Şurasının yaradılması haqda razılaşmadan çıxıb.
İyunun 22-də Kiyevdə bəyan ediblər ki, Ukrayna Rusiya ilə müqavilə bazasının auditini davam etdirir.
Oxuməni.az