Rus təbliğat kanalında Rusiyanın uduzacağı mesajı verildi

Rus təbliğat kanalında Rusiyanın uduzacağı mesajı verildi

12 May 13:45
153
Bəyəndim (0) Bəyənmədim (0)

Ötən gün Rusiyalı hərbi ekspert Mixail Xodaryonok ölkənin dövlət televiziyasında Kreml təbliğatçılığı ilə məşğul olan "60 dəqiqə" verilişində Rusiya ordusunun Ukraynaya qarşı müharibə aparmaq üçün texniki imkanlarının çatmadığını, silahların köhnə və texnoloji baxımdan geri qaldığını, Ukrayna ordusunun isə NATO ölkələrinin ən müasir silahları ilə təhciz olunduğunu dilə gətirib. Bu, ilk deyil. Son günlər bu tipli açıqlamalar verən rus ekspertlərin sayı durmadan artır.

Oxuməni.az xəbər verir ki, bu fikirləri təhlükəsizlik üzrə ekspert Ərəstun Oruclu səsləndirib.

"Bu, faktiki Rusiyanın məğlub olacağının və ya artıq məğlub olduğunun anonsudur. Amma ən maraqlısı budur ki, Xodaryonok həmin fikirləri dövlət kanalında Kreml təbliğatçısı Skabeyevanın verilişində səsləndirib.

Ölkədə media resurslarının küncə sıxıldığı bir vaxtda dövlət kanalında rəsmi siyasətin ana xəttinə diametral zidd olan belə fikirlərin səslənməsi xeyli suallar doğurur.

Belə çıxır ki, ya Kreml ekspertlərin dililə cəmiyyəti Ukraynaya qarşı təcavüzdən çəkinməyin qaçılmaz olacağına hazırlayır, ya da Putin artıq ölkəyə nəzarəti itirir. Hakimiyyətə iddialı olan hərbçilər isə müharibənin davamında maraqlı olmadıqlarının mesajını verirlər", - o qeyd edib.