Rusiya hərbçiləri Kəlbəcərin Buzdux və Sarıdağ yüksəkliklərini də nəzarətə götürdü...Sülhməramlıların özbaşınalıqları davam edir-XƏRİTƏ

Rusiya hərbçiləri Kəlbəcərin Buzdux və Sarıdağ yüksəkliklərini də nəzarətə götürdü...Sülhməramlıların özbaşınalıqları davam edir-XƏRİTƏ

28 Sentyabr 13:52
294
Bəyəndim (0) Bəyənmədim (0)

Rusiya ordusunun yeni patrul marşrutu Kəlbəcər rayonunun Qozlukörpü İmarət Qərvənd kəndləri, Sarıdağ və Buzdux yüksəklikləri və Aşıq Şəmşirin kəndi yaxınlığındakı Şaban yurdu ərazisindən keçir...

Oxuməni.az xəbər verir ki, 10 noyabr üçtərəfli razılaşmasına əsasən Azərbaycan Respublikası ərazisinin hazırda ermənilər yaşayan əraziləri, o cümlədən Laçın rayonunun bir hissəsində müvəqqəti olaraq yerləşdirilmiş Rusiyanın rəsmən sülhməramlı sayılan hərbi kontingenti sentyabrın 26-da təqdim etdiyi xəritədə heç bir əsas olmadan Tərtər rayonunun Qapanlı kəndini də məsuliyyət zonasına daxil edib. Və hələlik rəsmi Bakı bu, nəzəri də olsa, işğal faktına heç bir reaksiya verməyib.

Moderator.az-ın əldə etdiyi məlumata görə, Azərbaycan torpaqlarındakı sülhməramlı(?) hərbi birləşmə Rusiya Müdafiə Nazirliyinin rəsmi saytındakı xəritəsində daha bir neçə yenilik edib.

Belə ki, sentyabrın 27-nə aid xəritədə inzibati-hüquqi cəhətdən Kəlbəcər rayonu ərazisinə aid olan Sarıdağ(2185 m) və Buzdux(2374 m) dağ yüksəklikləri, eləcə də Ağdaban kəndi yaxınlığındakı Şaban yurdu də xüsusi qeyd edilərək Rusiya hərbçilərinin patrul marşrutuna daxil olunub. Yeni patrul marşrutu Kəlbəcər rayonunun Qozlukörpü İmarət Qərvənd kəndləri, Sarıdağ və Buzdux yüksəklikləri və Aşıq Şəmşirin kəndi yaxınlığındakı Şaban yurdu ərazisindən keçir...

Sarıdağ yüksəkliyinin 10 noyabr razılaşmasından bəri Rusiya hərbi kontingentinin nəzarətində olduğuna şübhə yoxdur. Ancaq Murovdağ silsiləsinin ən hündür zirvəsi olan Gamışdağa(3774 m) çox yaxın məsafədə yerləşən və eyni zamanda strateji Ağdaban kəndinə yaxın olan Buzdux(2374 m) yüksəkliyinin Rusiya hərbçilərinin nəzarətində olması müəmmalıdır...

Göründüyü kimi, Rusiya MN-in general-leytenant Rüstəm Muradovdan sonra komandanlığa gətirilmiş general-mayor Mixail Kosobokovun dövründə başladılmış xüsusən Laçın, Şuşa və Ağdam ətrafındakı strateji yüksəklik və məntəqələrin ciddi nəzarətə götürülməsi prosesi davam edir. Və yeni komandan, Gürcüstanın Qori şəhərinin fatehi general-leytenant Gennadi Anişenkonun komandanlığı başlanandan daha da sürətlənib...

Hesab edirik ki, Azərbaycanın müvafiq dövlət qurumları 1-ci Qarabağ savaşında, Aprel döyüşlərində və 44 günlük müzəffər savaşımızda hər bir qarışı uğrunda şəhid və qazi qanları tökülmüş torpaqlarımızın hər məntəqəsi, hər dağı, hər zirvəsi, hər meşəsi və s. ətrafında baş verən proseslər barədə ictimaiyyəti mütəmadi məlumatlandırmalı və bu mövzuda qırmızı xətti keçən erməni və ya Rusiya hərbi birləşmələrinə adekvat cavab verməlidir...

Xatırladaq ki, dünən Ali Baş Komandan, Prezident İlham Əliyev müsahibələrindən birində Rusiya sülhməramlılarının fəaliyyətləri ilə bağlı müəyyən narazılıqlar və şikayətlərin olduğunu da bildirib... Sultan Laçın