Dərslər bir ay dayandırla bilər

Dərslər bir ay dayandırla bilər

4 Mart 13:00
704
Bəyəndim (0) Bəyənmədim (0)

Nazirlər Kabinetinin qərarı ilə Azərbaycandakı bütün təhsil müəssisələrində tədris martın 3-dən 9-na qədər dayandırılıb. Tədris fasiləsindən sonra ilk dərs günü martın 10-u müəyyən edilib.

Aydın məsələdir ki, bu müddət ərzində həm tələbələr, həm də şagirdlər dərs proqramından geri qalmalı olacaqlar.

Bəs bu cür hallarda dərs proqramları necə qaydasına qoyulur?

Hər hansı geriləmə müşahidə oluna bilərmi?

Oxuməni.az-ın verdiyi xəbərə görə Təhsil Nazirliyi yanında İctimai Şuranın məsul katibi, təhsil eksperti İlqar Orucov mövzu barədə Modern.az-a danışıb.

Ekspert bir həftəlik təlim-tədris prosesinin dayandırılmasının proqramda geriliyə gətirib çıxaracağını istisna etməyib:

"Həm orta məktəb şagirdlərinin, həm də ali məktəb tələbələrinin geri qalmasına gətirib çıxarır. Məsələ budur ki, “Təhsil haqqında" qanunda da xüsusi hallarda dərslərin dayandırılmalı olduğu təsdiq olunub. İndiki halda isə koronavirus səbəbindən dərslər dayandırılıb”.

İlqar Orucov bir həftəlik müddətin o qədər də böyük olmadığını söyləyib:

“Hər halda vəziyyətin düzələcəyinə hər birimiz ümid edirik. Təbii ki, vəziyyətin gərginləşəcəyi təqdirdə dərslər bir ay dayandırla bilər. Bu cür hallarda Təhsil Nazirliyi müvafiq qərarlar qəbul edir. Hətta dərslərin uzadılması məsələsi gündəmə gələ bilər. Bildiyiniz kimi əksər məktəblərdə dərs müddəti 5, ya da, 6 günlük sistem əsasında aparılır. Belə hallarda 6-cı günə dərs salına, yaxud da proqramın üzərində işlənilə, dərs yükü artırıla bilər. Bununla da məsələ kompensasiya olunar”.

İctimai Şuranın məsul katibi qeyd edib ki, əgər proqramda hansısa mövzuların keçirilməsi nəzərdə tutulubsa, bu, mütləq şəkildə təmin olunmalıdır:

“Növbəti proseslərdə həm şagirdlərin, həm də tələbələrin yekun nəticə olaraq biliklərinin imtahanla sona yetməsinə gətirib çıxara bilər. Əgər dərslərin müddəti uzadılarsa, bu məsələyə Təhsil Nazirliyi baxacaq. Hələlik bu müddət o qədər də böyük müddət deyil. Hesab edirəm ki, bir həftəlik dərs yükünü proqrama daxil edərək bir qədər proqramı ağırlaşdırmaqla öhdəsindən gəlmək olacaq”.

Oxuməni.az