Mədəniyyət evində kinoteatr fəaliyyətə başlayıb - ŞÜVƏLANDA

Mədəniyyət evində kinoteatr fəaliyyətə başlayıb - ŞÜVƏLANDA

14 Fevral 2017 10:50
160

Medaianfo.az xəbər verir ki, Bakı Şəhər Mədəniyyət və Turizm Baş İdarəsinin Şüvəlan qəsəbə Mədəniyyət evində kinoteatr fəaliyyətə başlayıb. Kinoteatrın 300 nəfərlik zalı Şüvəlan və ətraf qəsəbə sakinlərinin asudə vaxtlarını daha maraqlı və əyləncəli keçirmələri üçün imkan yaradır. Kinotetrda ilk ictimai baxış rejissor Elxan Cəfərovun "Yarımçıq xatirələr" adlı filmi olub.

Nəzərə çatdırırıq ki, kinoteatrda martın sonunadək Cəfər Cabbarlı adına "Azərbaycanfilm" kinostudiyasının "Bizim kino günləri" layihəsi çərçivəsində "Yarımçıq xatirələr" (3-8 fevral), "Qatil" (9-15 fevral), "İçəri şəhər" (16-22 fevral), "Axınla aşağı" (23 fevral-1 mart), "Xeyirlə şərin rəqsi" (2-8 mart), "Dərs" (9-15 mart), "Qırmızı bağ" (16-22 mart), "Yaddaş" (23-29 mart) filmləri nümayiş olunacaq. Biletlərin qiyməti 2 AZN təşkil edir, 6 yaşa qədər uşaqlar üçün giriş pulsuzdur.

Həmçinin, kinotetrda komediya, dram, fantastik janrlarda olan filmlər, azyaşlı tamaşaçılar üçün isə cizgi filmləri nümayiş olunacaq.

Mediainfo.az