Nizami Kino Mərkəzində "İşıqlar sönür..."

Nizami Kino Mərkəzində "İşıqlar sönür..."

22 İyul 2016 11:42
271
Bəyəndim (0) Bəyənmədim (0)
Yeni filmlərin nümayişinə başlandı

Nizami Kino Mərkəzi iyulun 21–dən ABŞ-ın "Işiqlar sönür" və "Startrek: sonsuzluq" filmlərinin nümayişinə başlayıb.

Erik Hayssererin ssenarisi əsasında rejissor Devid F. Sandberqin çəkdiyi "İşıqlar sönür…" filmi dəhşət və qorxu janrındadır. Yaş həddi: 18+

Dogma yuvasını tərk edən Rebekka bütün uşaqlıq qorxularının geridə qaldığını zənn edir. Balaca olarkən o, işıq söndükdə nəyin real olub-olmadığından əmin ola bilmirdi. Indi onun şüurunu imtahana çəkən anlaşılmayan dəhşətli hadisələr kiçik qardaşı Martinlə baş verir. Anaları Sofi ilə sirli bağlantısı olan, bəlli olmayan hədə yenə otraya çıxıb. Amma bu dəfə Rebekka sirri açmaq üzrədir – işıq sönən kimi həyatları təhlükə altında olacağına artıq əmindir.

Filmdə rolları Tereza Palmer, Qabriel Beytman, Aleksandr DiPersia, Billi Berk, Mariya Bello, Rolando Boys, Ava Kantrell, Ariel Dupin, Emili Elin Lind, Lotta Losten və başqa aktyorlar canlandırıb.

Saymon Peqqin ssenarisi əsasında, rejissor Castin Linin çəkdiyi "Startrek: sonsuzluq" f ilmi triller, məcara, döyüş və fantastika janrındadır. Yaş həddi: 12+

Hadisələr beşillik missiya başladıqdan iki il sonra cərəyan edir.

Kapitan Ceyms T. Kirk başda olmağla hərəkət edən "Enterprayz" ulduz gəmisinin ekipajı tanınmayan gəlmələrin qüvvətli və təhlükəli hücümuna məruz qalır. Gəmilərini məhv etdikdən sonra, gəlmələr ekipaj üzvlərini tanınmayan planetdə daha qorxulu düşmənlə üz üzə qoyurlar.

Rollarda Kris Payn, Zakari Kuinto, Saymon Peqq, Karl Urban, Zoi Saldana, Con Ço, Anton Elçin, İdris Elba, Sofiya Butella və Co Taslim çəkiliblər.

Filmlər haqqında daha ətraflı məlumatı Nizami Kino Mərkəzinin facebook səhifəsindən öyrənə bilərsiniz. (https://www.facebook.com/NizamiCinema?rf=hl

Hazırladı: Könül Aypara