Heydər Əliyev Mərkəzində klassik musiqi gecə keçirilib

Heydər Əliyev Mərkəzində klassik musiqi gecə keçirilib

12 Dekabr 2014 09:05
532
Bəyəndim (0) Bəyənmədim (0)
Gecə Heydər Əliyevin xatirəsinə həsr olunub

Dekabrın 11-də Heydər Əliyev Mərkəzində ümummilli lider Heydər Əliyevin xatirəsinə həsr olunan klassik musiqi gecəsi keçirilib.

Konsertdə Üzeyir Hacıbəyli adına Azərbaycan Dövlət simfonik orkestri çıxış edib. Orkestri bədii rəhbər və baş dirijor, xalq artisti Rauf Abdullayev idarə edib.

Hökumət rəsmilərinin, mədəniyyət xadimlərinin və ictimaiyyət nümayəndələrinin iştirak etdikləri konsertdə görkəmli Azərbaycan bəstəkarı Qara Qarayevin "Leyli və Məcnun" simfonik poeması, Soltan Hacıbəyovun "Karvan" simfonik qravürləri, Niyazinin "Rast" simfonik muğamı və tanınmış rus bəstəkarı Dmitri Şostakoviçin 5 nömrəli simfoniyasından üçüncü hissə səsləndirilib.

Mediainfo.az