“Heydər Əliyev-əbədiyaşar lider” mövzusunda konfrans keçirilib

9 Dekabr 2014 14:54

Bəyəndim (0) Bəyənmədim (0)

Bu gün Qaradağ rayonu, Lökbatan qəsəbəsində yerləşən Heydər Əliyev Mərkəzində "Heydər Əliyev-əbədiyaşar lider" mövzusunda konfrans keçirilib.

Mediainfo.az-a daxil olan məlumata görə, tədbiri giriş nitqi ilə açan Qaradağ Rayon İcra Hakimiyyətinin başçısı Süleyman Mikayılov Azərbaycan dövlətçiliyinin söykəndiyi təməl prinsipləri Heydər Əliyev tərəfindən yaradıldığını qeyd edib. Bildirib ki, Heydər Əliyev özünün titanik fəaliyyəti və qətiyyətli qərarları ilə müstəqilliyimizin formalaşmasında, ölkədə sabitliyin əldə olunmasında, həmçinin, Azərbaycanın dünya ölkələri arasında nüfuzunun yüksəldilməsində müstəsna xidmətlər göstərib. Məhz buna görə də, xalqımız Heydər Əliyevi müasir müstəqil Azərbaycan dövlətinin memarı qurucusu adlandırıb.

Öz növbəsində Yeni Azərbaycan Partiyasının icra katibinin müavini, millət vəkili Siyavuş Novruzov müasir Azərbaycanın mürəkkəb və taleyüklü dövründə dövlətə rəhbərlik missiyasını öz üzərinə götürən Heydər Əliyevin xilaskarlıq və quruculuq missiyasını şərəflə yerinə yetirməklə, nəinki xalqımızın ən parlaq siması, eləcə də dünya siyasi elitasının görkəmli şəxsiyyətlərindən biri kimi tarixdə silinməz iz qoyduğunu bildirib. Qeyd edib ki, regionun ən sabit ölkəsi olaraq müstəqil daxili və xarici siyasət yürüdürük.

Millət vəkili Eldar İbrahimov da öz nitqində Heydər Əliyevin göstərdiyi misilsiz xidmətlərindən və onunla bağlı xatirələrindən söz açıb.