Eldost Bayramın əmək fəaliyyətinin 40 illiyi ilə əlaqədar tədbir keçirilib
"Dünya" Ana və Uşaq İctimai Birliyinin (DAU İB)
təşkilatçılığı ilə Əməkdar Artist Eldost Bayramın anadan olmasının 64 və
əmək fəaliyyətinin 40 illiyinə həsr edilmiş tədbir keçirilmişdir.
DAU İB-nin sədri Dünya Əliyeva Eldost Bayramın həyat və fəaliyyəti haqqında məlumat vermişdir. Bidirilmişdir
ki, E.Bayram 1947-ci ildə Kürdəmir rayonunun Çöl Ərəb kəndində anadan
olmuşdur. Azərbaycan Pedaqoji Universitetinin tarix fakültəsini
bitirmişdir. Əmək fəaliyyətinə Qaqarin adına pionerlər sarayında
metodist kimi başlamışdır. 1970-ci ildən isə "Azərbaycan Radio və
Televiziya Verilişləri" Qapalı Səhmdar Cəmiyyətində diktor kimi
fəaliyyətini davam etdirmişdir.
Onun fəaliyyəti dövründə yüzlərlə
ədəbi mətnlər səsləndirildiyi andan radionun "Qızıl fondu"na daxil
edilmişdir. Tanınmış sənətkar onlarla gəncə öz sənətinin sirlərini
öyrətmiş, onların efir qaydalarını mənimsəməsində əvəzsiz rol
oynamışdır. E.Bayramın əməyinə həmişə yüksək qiymət verilmiş, Azərbaycan
Prezidentin müvafiq Sərəncamı ilə "Tərəqqi" medalına və Əməkdar Artist
adına və bir çox fəxri fərmanlara layiq görülmüşdür. Hazırda təqaüd
yaşında olmasına baxmayaraq, təkrarsız səs tembri, səlis diksiyası
sayəsində diktor kimi fəaliyyətini yenə də davam etdirir.
Xalq
artistləri Rafiq Hüseynov, Natəvan Hacıyeva, İ.Əbilov adına mədəniyyət
mərkəzinin bədii rəhbəri Mirəhməd Əsgərov və başqaları Eldost Bayramın
Azərbaycan efirinə 40 il sədaqətlə qulluq etdiyini bildirmişlər.
Tədbirdə
Xalq Artisti Canəli Əkbərov, tanınmış müğənni Tahirə Muradova və başqa
sənət dostları E.Bayram haqqında ürək sözlərini söyləməklə yanaşı, onu
mahnı çələngləri ilə təbrik etmişlər.
Sonda Eldost Bayram tədbirin təşkilatçılarına və iştirakçılarına minnətdarlığını bildirmişdir.