Xalq yazıçısı Anar İranın ali dini rəhbəri Ayətullah Xamneyiyə məktub yazdı

Xalq yazıçısı Anar İranın ali dini rəhbəri Ayətullah Xamneyiyə məktub yazdı

6 İyul 2012 17:19
Bəyəndim (0) Bəyənmədim (0)

Azərbaycan Yazıçılar Birliyinin sədri, xalq yazıçısı Anar Rzayev İran İslam Respublikasının ali dini rəhbəri Ayətullah Xamneyiyə müraciət edib:

"Hörmətli ağayi Xamneyi!
İki gənc şairimizin - Yazıçılar Birliyinin üzvü Fərid Hüseynin və Şəhriyar de Geraninin İranda həbs edilməsi bizi çox narahat edir. Bu xəbəri alan kimi Yazıçılar Birliyi dərhal bəyanat verdi. İndi mən Sizə müraciət edirəm. Azərbaycan nümayəndə heyətinin tərkibində Tehranda olarkən Siz bizi qəbul etdiniz. Qəbul zamanı Siz böyük şairimiz Şəhriyarı xatırladınız, onunla dostluğunuzdan danışdınız, hətta "Heydər babaya salam" şeirindən bir neçə beyt oxudunuz.
Ümid edirəm ki, Şəhriyarın mənəvi övladları olan iki gənc istedadlı şairimizin taleyinə biganə qalmayacaqsınız, onların tezliklə azad olunması üçün nüfuzunuzu və imkanlarınızı əsirgəməyəcəksiniz".

O.M.