Balakəndə narkotik becərən qadın saxlanıldı
Balakən Rayon Polis Şöbəsindən (RPŞ) verilən məlumata
görə, Balakən RPŞ-nin əməkdaşları narkotik tərkibli bitkilərin becərdilməsi və
narkotik vasitələrin qanunsuz dövriyyəsi ilə məşğul olan şəxslərin aşkarlanması
istiqamətində əməliyyat-axtarış tədbiri keçirib.
Keçirilmiş tədbir nəticəsində rayonun Qabaqçöl qəsəbəsi
Meşəşanbul kənd sakini, 1954-cü il təvəllüdlü Bazarova Fatma Sədrəddin qızının
evinin həyətyanı sahəsində axtarış aparılıb. F. Bazarovanın həyətyanı sahəsində
düzəldilmiş istixanaya baxış keçirilən zaman istixanada 90 ədəd dibçəkdə
əkilmiş, hündürlüyü 6-10 sm olan narkotik tərkibli bitki hesab edilən
marixuananın şitili aşkar edilib.
İstixanada xüsusi üsulla becərilən narkotik tərkibli bitki
maddi sübut kimi götürülüb.
Faktla bağlı Balakən RPŞ-nin təhqiqat bölməsində araşdırma
aparılır.
O.M