Sumqayıtda yanacaq anbarında partlayış baş verdi
Fövqəladə Hallar Nazirliyinin məlumatına görə, Sumqayıt şəhərində yerləşən Etilen Polietilen zavodunun E-12 şöbəsinin propilen qaz anbarında partlayış qeydə alınıb. Anbara qaz dolduran zaman vətəndaşa məxsus, həcmi 20 kub olan "KamAZ" markalı yük avtomobilində ani partlayış baş verib. Nəticədə avtomobilin çəni dağılıb, yaxınlıqda dayanmış digər "KamAZ" markalı qaz daşıyan avtomobillin ventili zədələnib və ətrafa qaz sızması baş verib. Yanğın hadisəsi və dağıntı olmayıb.
Qəza vəziyyəti aradan qaldırılana qədər yanğın avtomobilləri yanğın-təhlükəsizlik tədbirləri məqsədi ilə hadisə yerində növbə çəkib. Partlayışın baş vermə səbəbi müvafiq qurumlar tərəfindən araşdırılır.
O.M.
Digər xəbərlər