VİDEO-Bakıda ağır qəzadan sonra
Xəbər verdiyimiz kimi, bu gün Bakının Süleyman Tağızadə küçəsində yerləşən Bakı Avropa Liseyinin qarşısında "Kamaz" markalı avtomobil aşıb. Nəticədə, orada dayanan 4-5 maşın əzilib.
Hadisə yerində olan şahidlərin verdikləri məlumata görə,
"KamAZ" markalı avtomobil 177 saylı avtobusla toqquşub. Nəticədə,
"KamAZ" liseyin 1-ci korpusuna çırpılıb və dayanacaqda olan 5 minik
avtomobilinin üstünə aşıb. Qəza zamanı avtobus aşıb. Avtobusun qapıları
bağlandığından, sərnişinlər xilasedicilər tərəfindən avtobusdan çıxarılıblar.
Qəza zamanı qaz xətti qırılıb və liseyin 1-ci korpusuna qaz sızıb.
"Azəriqaz"-dan verilən məlumata görə, qaz sızması çox olduğundan,
həmin əraziyə qaz verilişi dayandırılıb. Əraziyə qazın verilişi günün sonunadək
bərpa oluna bilər.
"KamAZ"-ın sürücüsü Akif Ağamirzəoğlu isə
bildirib ki, əyləc sistemi işləmədiyindən yolun kənarındakı bir neçə avtomobili
vurub və sonra Bakı Avropa Liseyinin binasına çırpılıb. Hadisə zamanı 2-3 nəfər
yüngül xəsarət alıb. Oxumeni.az-ın müxbirinin hadisə yerindən çəkdiyi
görüntüləri sizlərə təqdim edirik.
O.M