Rusiyada 37 Azərbaycan vətəndaşı yol qəzasına düşdü
"RİA-Novsoti" xəbər agentliyinin məlumatına görə, qəza noyabrın 30-da səhər saatlarında Volqoqrad-Elista yolunun 69 km-də, Volqoqrad vilayətinin Svetloyarsk rayonu ərazisində baş verib. Sürücünün idarəetməni itirməsi nəticəsində avtobus aşıb. Avtobusda olan 37 nəfərin hamısı Azərbaycan vətəndaşıdır. Qəza nəticəsində ölən və xəsarət alan olmayıb. Hadisə yerinə polis və Fövqəladə Hallar Nazirliyinin əməkdaşları cəlb olunublar. Texniki baxışdan sonra avtobusun yoluna davam edib-etməyəcəyinə qərar veriləcək.
O.M.
Digər xəbərlər