Avtomobillərdən oğurluq edən şəxslər tutuldu

Avtomobillərdən oğurluq edən şəxslər tutuldu

22 Noyabr 2011 11:53
Bəyəndim (0) Bəyənmədim (0)

Bakı şəhər Baş Polis İdarəsindən məlumat verilir ki, paytaxtda avtomobillərdən oğurluq edən şəxslər tutulub. Məlumatda bildirilir ki, Nəsimi Rayon Polis İdarəsinin Cinayət Axtarış Şöbəsi və 19-cu Polis Bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Məmməd Məmmədov və Elgün Axundov noyabrın 21-də saxlanılıblar. Müəyyən edilib ki, onlar avqustun 25-nə keçən gecə A.Məhərrəmov küçəsində yaşayan İlham Qəribova məxsus "VAZ-2107" markalı avtomobildən açar seçmə yolu ilə 250 manat pul və maqnitofon, oktyabrın 22-nə keçən gecə A.Mustafayev küçəsində yaşayan Ayaz Vəliyevə məxsus VAZ-2107 markalı avtomobildən ehtiyat təkər, oktyabrın 26-na keçən gecə Cavadxan küçəsində yaşayan Hüseyn Nadirova məxsus "VAZ-2107" markalı avtomobildən maqnitofon, elə həmin gecə Ə.İsgəndərov küçəsində yaşayan Fərrux Süleymanova məxsus "VAZ-2107" markalı avtomobildən ehtiyat təkər, oktyabrın 31-nə keçən gecə Hüseynbala Əliyev küçəsində Cavid Yusifova məxsus "VAZ-2107" markalı avtomobildən maqnitofon, noyabrın 5-də 3-cü mikrorayon A.Mustafayev küçəsində yaşayan Qiyas Kərimova məxsus "VAZ-2107" markalı avtomobildən salon güzgüsü, noyabrın 14-nə keçən gecə isə H.B.Əliyev küçəsində yaşayan Faiq Vəliyevə məxsus "VAZ-2107" markalı avtomobildən maqnitofon oğurlayıblar. Faktla bağlı araşdırma aparılır.

O.M.