Rusiyada 3 azərbaycanlı 15 erməni tərəfindən döyüldü
Srağagün Rusiyanın İrkutsk şəhərində qanlı hadisə baş verdi. Bu gün Lifenews xəbər agentliyinin yaydığı məlumata görə, "Cадоводствo"-"Мельничная Падь" marşrutu üzrə hərəkət edən avtobusun sonuncu dayanacağına gözlənilmədən 3 avtomobil daxil oldu. Maşınlardan düşən 15 maskalı cinayətkar sürücülərə hücum etdi. Şahidlərin ifadələrində bildirilir ki, banditlərin əllərində beşbarmaq, dəyənəklər və tapançalar var idi. Onlar 3 sürücünü ölümcül dərəcədə döyüb, avtomobillərini sındırdılar və aradan çıxdılar. Yaralılar ağır vəziyyətdə xəstəxanaya yerləşdirildi və şəhərdə "Axtarış" planı həyata keçirildi. Hazırda canilərin avtomobillərindən biri müəyyən edilib.
Rusiya İstintaq Komitəsinin İrkuts şöbəsindən bildirilir ki,
yaralılar ağır vəziyyətdə olduqlarından onlarla söhbət etmək hələlik mümkün
deyil. Sadəcə o məlumdur ki, hər 3 zərərçəkmiş Azərbaycan vətəndaşıdır. Faktla
başlı cinayət işi açılıb, araşdırma aparılır.
НГС Иркутск qəzetinin ehtimalına görə, hücumu erməni millətindən olan
cinayətkar dəstə həyata keçirmiş ola bilər. Banda başçısı, dəfələrlə məhkum
olunmuş Aşot Danielyan və onun 14 nəfər əlaltısı bu ilin mart ayında həbsə
alınıblar. Danielyan 17 il müddətinə, digərləri isə 5 ildən 15 ilə qədər həbsə
məhkum olunublar. Qəzet onu da istisna etmir ki, sonuncu cinayət ermənilərin
bütün qafqazlıların biznesini, əsasən də nəqliyyat biznesini təsir altına almaq istəyindən irəli
gəlir.
Qeyd: şəkildə gördüyünüz şəxs
Aşot Danielyandır.
Türklər demişkən, çörək aslanın ağzındadır...
Sərvər Aslanov
O.M.