Masazırdakı motellərdən pul tələb edən reket jurnalist yaxalandı

Masazırdakı motellərdən pul tələb edən reket jurnalist yaxalandı

1 Noyabr 2011 20:15
1 088
Bəyəndim (0) Bəyənmədim (0)
"Unikal" qəzetinin müxbiri 1000 ABŞ dolları alarkən saxlanılıb

Azərbaycanda daha bir reket jurnalist həbs edildi. Daxili İşlər Nazirliyinin mətbuat xidmətindən verilən məlumata görə, Abşeron rayonunun Masazır qəsəbəsində yerləşən "Romi" hotelinin sahibi Mətləb Əhmədov Daxili İşlər Nazirliyinə müraciət edərək özünü "Unikal" qəzetinin müxbiri kimi təqdim edən Hüseyn adlı şəxsin ondan barəsində rüsvayedici məlumatlar dərc edəcəyi hədəsi ilə pul tələb etdiyini bildirib. Bununla əlaqədar 2011-ci il oktyabrın 31-də keçirilən əməliyyat tədbirləri nəticəsində o, "Romi" hotelinin sahibindən 1000 dollar alarkən saxlanılıb. İlkin araşdırmalarla müəyyən edilib ki, H. İsgəndərov "Unikal" qəzetinin müxbiridir. O, bir müddət əvvəl "Göyçə" və "Ağ" hotellərin sahibləri Şirzad Əliyevdən və Elçin Vəliyevdən də eyni üsulla müxtəlif məbləğlərdə pul tələb edib. Hüseyn İsgəndərovun cinayətkar əlaqələri və digər qanunsuz əməllərinin müəyyən edilməsi istiqamətində əməliyyat tədbirləri davam etdirilir.

Pis və daha pis arasında birinci yaxşı görünür...

Sərvər Aslanov

O.M.