Biləsuvarda və Maştağada əməliyyat keçirildi

Biləsuvarda və Maştağada əməliyyat keçirildi

7 İyun 2016 14:19
245
Bəyəndim (0) Bəyənmədim (0)

Baş Mütəşəkkil Cinayətkarlıqla Mübarizə İdarəsinin (BMCMİ) əməkdaşları Biləsuvarda narkotik maddələrin qanunsuz dövriyyəsinə qarşı əməliyyat keçirib.

Daxili İşlər Nazirliyinin saytı bildirir ki, Baş Mütəşəkkil Cinayətkarlıqla Mübarizə İdarəsi və Biləsuvar RPŞ əməkdaşlarının keçirdikləri əməliyyat-axtarış tədbirləri nəticəsində Anar Məcidov, Ağazakir Zəkiyev və qardaşı Ağakamal tutulublar.

Onların yaşadıqları Maştağa qəsəbəsindəki evlərinə baxış zamanı müvafiq sənədləri olmayan "Makarov" markalı tapança, "Vinçester" markalı ov tüfəngi, 1 ədəd patron darağı və 17 ədəd müxtəlif çaplı patron, habelə həyətyanı sahədə kultivasiya yolu ilə yetişdirilmiş, ümumi çəkisi 940 kiloqram olan 1449 ədəd çətənə kolu da aşkar edilərək götürülüb.

Faktla əlaqədar cinayət işi başlanıb.

Mediainfo.az