Avtomobil oğrusu saxlanılıb

Avtomobil oğrusu saxlanılıb

7 Yanvar 2015 16:14
Bəyəndim (0) Bəyənmədim (0)

Şirvan şəhərində avtomobil qaçırmış şəxs tutulub

Şirvan Şəhər Polis Şöbəsindən verilən məlumata görə, Şirvan ŞPŞ əməkdaşlarının həyata keçirdikləri əməliyyat-axtarış tədbirləri nəticəsində yanvarın 1-də Samir Məmmədova məxsus "VAZ-2106" markalı, 01 BG 979 dövlət nömrə nişanlı avtomobili qaçıran şəhər sakini Sakit Qasımzadə tutulub. Ətrafında aparılan əməliyyat tədbirləri ilə onun həmin gün Cavid Cəlalova məxsus "VAZ-2106", 49 BG 394 dövlət nömrə nişanlı markalı avtomobili qaçırması da müəyyən edilib. Hər iki avtomobil şəhər kənarında əzilmiş şəkildə aşkar edilib.

Daha sonra Şirvan sakini Bağırov Səməd Həmid oğluna məxsus "VAZ-2106" markalı, 11 BS 321 dövlət nömrə nişanlı avtomobilin də oğurlandığı məlum olub və bununla bağlı əməliyyat tədbirləri davam etdirilir. Həmin avtomobilin yeri hələlik məlum deyil.

Faktla bağlı Şirvan Şəhər Polis Şöbəsində cinayət işi açılıb, araşdırma aparılır.

Mediainfo.az