Astarada ər arvadını öldürüb

Astarada ər arvadını öldürüb

29 Dekabr 2014 12:45
707
Bəyəndim (0) Bəyənmədim (0)

Bu gün səhər saatlarında Astaranın Kakalos kənd sakini, 1978-ci il təvəllüdlü İsmayıl Mikayıl oğlu Əkbərov şəxsi münaqişə zəminində həyat yoldaşı, 1983-cü il təvəllüdlü Aytən İlham qızı Nurullayevanın başına küt alətlə zərbələr endirib, daha sonra ürək nahiyəsinə bıçaqla zərbələr vuraraq qətlə yetirib.

Hadisə yerinə rayonun hüquq-mühafizə orqanlarının əməkdaşları cəlb olunublar. Hadisəni törətmiş İ.Əkbərov yaxalanaraq istintaq orqanlarına təhvil verilib. A.Nurullayevanın meyiti isə müayinə olunmaqdan ötrü Səhiyyə Nazirliyi Məhkəmə Tibbi Ekspertiza və Patoloji Anatomiya Birliyinin Lənkəran rayonlararası şöbəsinə aparılıb.

İlkin versiya kimi qətl hadisəsinin qısqanclıq zəminində törədildiyi bildirilir. Faktla bağlı Astara Rayon Prokurorluğunda araşdırmalara başlanıb.

Mediainfo.az