Gülər Əhmədova barəsində cinayət işinin ibtidai istintaqı yekunlaşıb

Gülər Əhmədova barəsində cinayət işinin ibtidai istintaqı yekunlaşıb

28 Avqust 2013 10:45
Bəyəndim (0) Bəyənmədim (0)
"Hazırda Gülər Əhmədova cinayət işinin materialları ilə tanış olur"

Həbsdə olan sabiq deputat Gülər Əhmədovanın barəsində olan cinayət işinin ibtidai istintaqı yekunlaşıb.

G. Əhmədovanın vəkili Raqif Mustafayevin verdiyi məlumata görə, ibtidai istintaqın yekunlaşması tərəflərə elan olunub: "Hazırda Gülər Əhmədova cinayət işinin materialları ilə tanış olur. Ondan sonra vəkillər də cinayət işinin materialları ilə tanış olacaq" .

Qeyd edək ki, fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin ötən ilin sentyabrında yaydığı qalmaqallı videodan sonra Gülər Əhmədova mandatından imtina edib. Fevralın 13-də isə G.Əhmədova barəsində həbs-qətimkan tədbiri seçilib. Bundan sonra həmin müddət iki dəfə artırılıb.

G.Əhmədova Cinayət Məcəlləsinin 178.3.2-ci (etibardan sui-istifadə etməklə özgənin külli miqdarda əmlakını ələ keçirmə) və 307.1-ci (ağır və ya xüsusilə ağır cinayətin hazırlanmasını və ya törədilməsini bilərək həmin cinayət barədə xəbər verməmə) maddələri ilə təqsirləndirilir./apa/

O.M.