Təcridxanaya narkotik vasitə keçirilməsinin qarşısı alınıb

12 May 2011 13:03

Bəyəndim (0) Bəyənmədim (0)

Penitensiar xidmətin və Bakı İstintaq təcridxanasının əməliyyatçıları tərəfindən növbəti dəfə müəssisəyə narkotik vasitələrin keçirilməsi cəhdinin qarşısı alınmışdır. Penitensiar xidmətin ictimaiyyətlə əlaqələr şöbəsindən verilən məlumata görə, 1972-ci il təvəllüdlü, Cinayət Məcəlləsinin 177.2.3-cü və 177.2.4-cü maddələri ilə təqsirli bilinərək cinayət məsuliyyətinə cəlb olunmuş Vidadi İbrahimov Bakı İstintaq təcridxanasına daxil olandan sonra üzərinə və əşyalarına baxılıb. O, şübhə doğurduğundan müəssisənin tibb-sanitariya hissəsində profilaktiki rentgen müayinəsindən keçirilib. Müayinə zamanı onun həzm yollarında yad cisim aşkar olunmuşdur. Ekspertizanın rəyinə əsasən, sellofana bükülmüş ot şəkilli, yaşıl rəngli, xüsusi iyə malik cisim - xalis çəkisi 5,67 qram olan qurudulmuş marixuanadır. Fakt üzrə araşdırma aparılır.

"Həzm yollarının, sən demə, başqa bir funksiyası da varmış"

Tofiq Əliyev

O.M.