Narkotik satıcısı həbs olundu

22 Fevral 2013 10:11

Bəyəndim (0) Bəyənmədim (0)

Daxili İşlər Nazirliyi (DİN) Baş Narkotiklərlə Mübarizə İdarəsi və Balakən RPŞ-nin əməkdaşları Balakən rayon ərazisində narkotik vasitələrin qanunsuz dövriyyəsi ilə məşğul olan şəxslərin aşkarlanaraq istintaqa təhvil edilməsi istiqamətində növbəti axtarış-əməliyyat tədbiri keçirib. Keçirilmiş tədbir nəticəsində Balakən şəhərində qeydiyyatda olan, hazırda rayonun Mahmalar kəndində kirayədə yaşayan, əvvəllər məhkum edilmiş 1968-ci təvəllüdlü Rzayev Fazil Vəli oğlunun yaşadığı evin həyətyanı sahəsində satış məqsədilə gizlətdiyi 109,163 qram ağır narkotik vasitə hesab edilən heroin aşkarlanaraq götürülüb. F. Rzayev Balakən RPŞ-nin əməkdaşları tərəfindən həbs edilib. Faktla bağlı cinayət işi başlayıb, araşdırma aparılır.

O.M.