"Rövşən Lənkəranskinin" başına 5 milyon qoyuldu

"Rövşən Lənkəranskinin" başına 5 milyon qoyuldu

7 Fevral 2013 11:39
782
Bəyəndim (0) Bəyənmədim (0)
Bu qərar Ded Xasana yaxın “qanuni oğru”ların “sxodka”sında qəbul olunub

Moskvada öldürülən məşhur avtoritet Aslan Usoyanın ölümündə günahlandırılan azərbaycanlı Rövşən Canıyevi aradan götürən şəxsə 5 milyon dollar mükafat veriləcək. Rusiya KİV-nin verdiyi xəbərə görə, bu barədə hüquq mühafizə orqanlarındakı mənbə bildirib. Mənbənin sözlərinə görə, bu yaxınlarda Ded Xasana yaxın "qanuni oğru"ların "sxodka"sı baş tutub. Görüşdə Dmitri Çanturiya (Miron), Temur Mirzoyev (Timur Sverdlovskiy), Vasili Xristoforov (Vasya Voskres), Qadi Kaloyan (Onik), Valkeri Farizov (Valera Kurd) və avtoritet Sadko iştirak edib. Onlar Rövşən Lənkəranskinin öldürülməsi üçün "büdcədən" 5 milyon dollar ayırmağı qərara alıblar. Mənbə bildirib ki, Canıyevin ölüm xəbəri tam təsdiqini tapmadığı üçün həmin məbləğ hələ ödənilməyib. Belə ki, Türkiyədəki "qanuni oğrular" belə onun öldürülüb-öldürülməməsini tam dəqiqləşdirə bilməyiblər. Yerli hüquq mühafizə orqanları da məlumatı hələ təsdiqləməyiblər.

O.M.